Tuesday, November 27, 2007

هو ليه عملنا المدونة ده ؟


كانت ده التدوينة الي كانت السبب الي خلانا نفكر في انشاء المدونة ده
المدونة ده هي موتمر موازي لموتمر انا بوليس هنعلن فيه عن رفضنا لفضيحة انا بوليس
هنعلن فيها رفضنا بيع ارض وشعب فلسطين
ولاننا ضدهم وعكسهم مدام هما قرووا يبقوا انا بوليس فاكيد انا حرامي
وده عملا بمبدأ لو المقاوم ارهابي فاعتبروني اول الارهابيين

ةاسيبكم مع التدوينة
بس احب ااكد ان المدونة ده مفتوحة للجميع يدون معانا
ابعت مشاركتك او طلب اضصافتك لاسرة تحرير المدونة علي
ahmedikhwan@gmail.com
وياريت كل واحد يقول رايه بمنتهي الصراحة



احنا ح نسكت؟ وللا الشرطة ح تفضل تقتل في المواطنين
عشان نتوحل في المشرحة وهم يروحوا انابوليس
عشان يقلعونا ملط لما نبقى ع الجنط
انابوليس بس عشان نبقى عارفين ح تلغي حق عودة اللاجئين
وح تطنش على القدس وح تأجل الانسحاب من غزة والضفة
لاجل غير مسمى بس يعني ح تفضل تحلف لنا ع المصحف
ان اسرائيل ح تنسحب حين ميسرة وغالبا ده مؤتمر
عشان يسنجف الشرق الاوسط الجديد
اهو
هنا
طب ايه؟ ح يشنقونا ونسكت لهم؟ ماهو اصل المؤتمر ده برضك
لمحاربة الارهاب
ايه بقى الارهاب؟ انا وانت يا مواطن
اي حد ح يفتح بقه ح يضربوا في المليان
والارهاب مش اللي الارهاب اللي احنا نعرفه
يعني اي كلام بخصوص اي مقاومة او اي زينة في الفترينة
ح يبقى ارهاب وكل دولة ح تحدد بقى مين اللي بيتحدت حديت ارهابي
عشان تبج بطنه بجيج
ايه الدليل على الكلام ده؟
الانسة كوندوليزا
- فك الله انوسيتها ورزقها براجل يخلص حق الولاية من جتتها -
قادر يا كريم قولوا امين
بتقول ان انا بوليس سلم نفسك مجرد مؤتمر تحضيري لمحادثات ما بين الطرفين
!!!!!!!!!
اه
طيب وكل البوليكة دي معمولة ليه؟ وجايبين الحكومات العربية على ملا
وشها ليه؟ وايه الموجتماع التحريضي قصدي التحضيري اللي عمله
عبس ومبارك وعبد الله ده؟
بيحضروا لايه؟
مثلا بيحضروا للاجابة: ح نقول حاضر وللا طيب؟
وبالمناسبة دي احب اهديكوا الفيديو ده
التحضيرية دي جات على ضوء
توصيات السيد جورج بوش اللي ملاها لهم بالتليفون
وتوصيات بوش بتدور كلها حول امن اسرائيل والسلام
والقضاء على المقاومة اللي مسميها ارهاب والاعتراف بيهودية
اسرائيل
- طب لما اسرائيل دولة يهودية اشمعنى يعني الاخوان اللي تف عليهم الكلب -
اما بخصوص المطالب الفلسطينية فان شاء الله ح نتكلم ح نتكلم
خليها للمحادثاااااات
اهم حاجة امن اسرائيل ووجودها ككيان يهودي
وماحدش من المعقدين يقول لي بتقولي كلام عنصري
والله هو اللي قال دولة يهودية
اهو
طيب ايه؟ ح نعمل ايه؟
ح يشنقونا ونسكت لهم؟

3 comments:

مقاومة said...

جامدة جداااااااااااااااااااااااااااااااا يا احمد يا عبفتاح
بجد ربنا معانا .. انا اهه على فكرة لسة مموتش .. ابقى اسأل بقى

Assem Abd Allah said...

حيت سوريا حتقلع مالط

ده احنا خلاص بقينا علي الأرض مش الجنط

بيتنا القديم said...

انا معاكو يا جماعة....

ملعون ابو انابوليس لأبو المنبطحين